Höfðaskóli er grunnskóli
fyrir 1. - 10. bekk og er staðsettur
á Skagaströnd við Húnaflóa.
Nemendur skólans koma
frá Skagaströnd og úr Skagabyggð.
Á skólaárinu 2023 - 2024
eru 65 nemendur.
Höfðaskóli
Tilkynningar
-
Einkunnarorð skólans eru: styrkur - vinsemd - virðing
-
Skóladagatal 2023-2024, smelltu hér
Fréttir
-
Sundtökin æfð
13.05.2024Nokkrir nemendur úr 1. bekk æfðu sundtökin í morgunsárið. Kát og hress og stóðu sig vel. -
Heimsókn í Sauðárkróksbakarí
13.05.2024Nemendur í bakstursvali fóru í heimsókn í Sauðárkróksbakarí fyrir helgi og fengu að skoða allt bakvinnslusvæðið ásamt því að fá góða fræðslu frá Snorra bakara. Heimsóknin var skemmtileg og að sjálfsögðu settumst við svo niður í lokinn og gæddum okkur á góðgæti úr bakaríinu. Hver veit nema að það leynist bakari í hópnum. Bestu þakkir fyrir okkur Snorri og allir hinir í Sauðárkróksbakaríi. -
Föstudagskveðja
10.05.2024Þá er enn ein skólavikan að renna sitt skeið, óhefðbundin v. frídags í gær. Í maí er gjarnan mikið um að vera í skólanum og að mörgu að hyggja áður en nemendur halda út í sumarið. Í vikunni fengu nemendur í 4.-7. bekk heimsókn frá lögreglunni, frétt frá því hér. Þá var íþróttadagur miðstigs haldinn hér hjá okkur og komu nemendur úr Húnaskóla og Grunnskóla Húnaþings vestra í heimsókn. Dagurinn var vel heppnaður og alltaf gott að hitta jafnaldra og gera sér glaðan dag. Nokkrar myndir hér. Skipulag næsta skólaárs er í fullum gangi og vonumst við til að geta kynnt valgreinar sem í boði verða fyrir nemendum í næstu viku og leyft þeim að velja. Veðrið er gott og nemendur eru duglegir að mæta á hjólum í skólann sem er frábært. Við minnum á að notkun hjálma er skylda. Við vonum að þið njótið helgarinnar Með góðum kveðjum Sara Diljá og Guðrún Elsa -
Heimsókn frá lögreglunni
10.05.2024Nemendur í 4. - 7. bekk fengu skemmtilega heimsókn s.l. þriðjudag. Lögreglan kom og var með ýmiskonar fræðslu, Kahoot og í lokin var boðið upp á hjólaskoðun fyrir þau sem það vildu. Við þökkum Söru og Ásdísi fyrir komuna. Myndir hér. -
Fyrsta föstudagskveðjan í maí
03.05.2024Nú er maí genginn í garð (loksins myndu sumir segja) og veðrið hefur leikið við okkur undanfarna daga. Vikan var óhefðbundin þar sem 1. maí bar upp á miðvikudegi og því var frí þann dag. Í maí lengist útivisvartími barna og það fer gjarnan að bera á því að þau séu þreytt þegar þau koma í skólann eftir útiveru kvöldinu áður. Við biðjum foreldra að gæta þess að börnin séu ekki of lengi úti og fari þ.a.l. seint að sofa þó það sé erfitt að halda í við þau í blíðunni. Framundan hjá okkur er ýmislegt skemmtileg. Nemendur í 5.-7. bekk munu taka þátt í íþróttadegi miðstigs með Húnaskóla og Grunnskóla Húnaþings vestra en dagurinn verður haldinn hér hjá okkur n.k. þriðjudag og verður dagskráin frá 13:00-16:00. Við munum fá heimsókn frá lögreglunni sem kemur með rafhlaupahjólafræðslu og ýmislegt fleira. Nemendur í 9. og 10. bekk fara svo í ferð til Danmerkur dagana 21.-25. maí, svo það er nóg framundan. Í næstu viku kemur aftur rauður dagur en fimmtudaginn 9. maí er uppstigningardagur og því verður ekki skóli þann dag. Við vonum að þið njótið helgarinnar í veðurblíðunni Með góðum kveðjum Sara Diljá og Guðrún Elsa -
Helgarkveðja á miðvikudegi
24.04.2024Stutt vika þessa vikuna, sumardagurinn fyrsti á morgun og skipulagsdagur á föstudaginn sem starfsfólk hefur unnið af sér. Það eru því allir á leið í langt helgarfrí eftir daginn í dag. Þrátt fyrir stutta viku var ýmislegt um að vera eins og vant er. Á mánudaginn fengu nemendur í 7.-10. bekk kynningu frá SSNV og í gær fóru nemendur í. 8.-10. bekk á valgreinadag í Húnabyggð. Myndir frá því hér. Ritstjórn Höfðafrétta hefur nú lagt lokahönd á skólablað vorsins sem farið er í prentun og verður borið út á öll heimili á Skagaströnd og í Skagabyggð. Við hlökkum til að sýna ykkur afraksturinn en nemendur hafa staðið sig mjög vel við gerð blaðsins og mega vera stolt af því. Í næstu viku kemur Ármann Óli sjúkraflutningamaður í heimsókn og fer yfir starf sitt sem slíkur í valgreininni starfakynningar, það verður án efa mjög fróðlegt og skemmtileg. Næsta vika verður tvískipt, frídagur á miðvikudaginn þar sem 1. maí ber upp þann dag. Semsagt, maí er handan við hornið, sólin hækkar og hækkar á lofti og áður en við vitum af verður komið að skólaslitum. Það er þó nóg eftir fram að því. Við vonum að þið njótið helgarinnar Með góðum kveðjum Sara Diljá og Guðrún Elsa
