Jákvæður skólabragur

Jákvæður skólabragur

Jákvæður skólabragur er sameiginleg ábyrgð nemenda, foreldra og starfsfólks. Nemendur, foreldrar og  starfsfólk sýna hvert öðru kurteisi og virðingu. Jákvæður skólabragur felur í sér:

Á skólalóð

  1. Við erum á skólalóðinni á skólatíma

  2. Við notum hjálma þegar við erum á hjólum

  3. Við erum öll vinir og leikum saman

  4. Við höldum skólalóðinni hreinni og snyrtilegri

 Ávaxtastund/nesti/frímínútur

  1. Við borðum nestið okkar og erum kyrr á okkar stað á meðan

  2. Við hendum afgöngum í réttar tunnur.

  3. Á göngunum inni löbbum við en úti má hlaupa

  4. Við förum ekki út fyrr en við höfum fengið leyfi

  5. Þeir sem eru inni í frímínútum gæta þess að enginn sé útundan. 

Á göngunum

  1. Notum við inniröddina

  2. Hengjum fötin okkar á snagana sem okkur hefur verið úthlutað.

  3. Við erum félagar og tölum fallega saman

Búningsklefar

  1. Við notum ekki síma eða myndavélar í klefunum

  2. Við göngum vel frá dótinu okkar

  3. Við erum á okkar stað í klefanum

  4. Við særum ekki hvert annað

  5. Við gætum þess að öllum líði vel

  6. Við förum í sturtu fyrir og eftir sundtíma

Í matsal í Fellsborg

  1. Göngum við frá útifötum á snaga og röðum skóm

  2. Við bíðum með að fara inn í salinn þar til við fáum leyfi

  3. Við tökum niður húfur

  4. Við þvoum okkur um hendur með sápu

  5. Við bíðum í röð eftir matnum 

  6. Við göngum frá eftir okkur

Í öllum tilfellum virðum við skólareglur og göngum vel um húsnæðið og eigur skólans sem og gögn og eigur annarra. 

Á yngsta stigi vinnum við með Vináttu - frí for mobberi sem er forvarnarverkefni um jákvæðan skólabrag. Vináttuverkefnið byggir á ákveðinni hugmyndafræði og eftirfarandi gildum:

  1. umburðarlyndi - að viðurkenna og samþykkja margbreytileika hópsins og koma fram við hvert annað sem jafningja. Að sjá margbreytileika sem styrkleika, bæði fyrir hvert barn og hópinn í heild.

  2. virðing - að bera virðingu fyrir hverjum og einum einstaklingi eins og hann er. Að vera góður félagi allra.

  3. umhyggja - að sýna hverju barni áhuga, athygli, umhyggju, samkennd, samlíðan og hjálpsemi. 

  4. hugrekki - að börn og fullorðnir hafi hugrekki til að segja frá ef þeir sjá aðra beitta órétti og börn þjálfist í að setja sér sín eigin mörk. Að vera góður félagi sem bregst við órétti.