Höfðaskóli

Nemendur í 1.-4. bekk lögðu land undir fót í gær og fóru í vorferð. Hér er frétt frá þeim um ferðina. Þriðjudagur 17.maí 2022. Allt yngsta stig fór í skólaferðalag til Skagafjarðar við fórum í safnið 1238 VR og svo fórum við í Árskóla borðuðum nesti fórum að leika okkur á leikvöllinum og svo fórum við í rútuna í Glaumbæ og við sáum torfhús og svo fórum við á hótel Varmahlíð og borðuðum pizzu hlaðborð og fengum prins póló og svo löbbuðum í sund og sungum Alli Palli og Erlingur og fengum okkur ís. Þökkum fyrir þennan skemmtilega dag kveðja yngsta stig. Takk fyrir okkur. Fyrir hönd yngsta stigs, Arnar Gísli, Harpa Védís, Katrín Heiða og Sara Dögg

Heil og sæl Þá eru einungis rétt rúmar tvær vikur eftir af skólaárinu. Veðrið hefur ekki alveg leikur við okkur en vonandi horfir það til betri vegar. Í liðinni viku átti skólastjóri fund með fulltrúum skólamötuneytis. Starfsfólkið sem vinnur við hádegismatinn hjá nemendum er mjög ánægt með nemendur og hrósuðu þeim fyrir hegðun í matsal. Það er mjög gaman að heyra þegar nemendur standa sig vel og þökkum við þeim kærlega fyrir. Miðstigsleikarnir voru á Húnavöllum sl. fimmtudag og skemmtu nemendur sér vel við allskonar iðju t.d. sílaveiði. Nemendur eru margir hverjir byrjaðir á námsmatsverkefnum sínum og heldur það áfram í næstu viku. Nemendur í 10.bekk fara í skólaferðalag á þriðjudaginn í næstu viku og koma til baka á fimmtudaginn, þau ætla að skoða suðurlandið og koma örugglega endurnærð til baka. Þar sem mikið verður um útivist næstkomandi tvær vikur og gott væri ef foreldrar fylgdust vel með veðri að morgni og nemendur væru klæddir í stíl við það. Við vonum að þið njótið helgarinnar Með góðum kveðjum Sara Diljá og Guðrún Elsa

Hringleikur var með sýningu fyrir nemendur í 5.-10.bekk í dag í íþróttahúsinu á Blönduósi í boði Skúnaskralls. Nemendur fóru með rútu, sýningin tók um 40 mínútur og komu nemendur til baka uppúr kl. 14:30. Frábær sýning og þökkum við kærlega fyrir okkur. Hringleikur er sirkuslistafélag sem vinnur að því að byggja upp og styrkja sirkusmenningu á Íslandi með uppsetningu fjölbreyttra sirkussýninga, námskeiðshaldi og sirkusiðkun fyrir sirkusfólk.

Starfsmaður óskast í frístund Höfðaskóla skólaárið 2022-2023. Um 40% starf er að ræða. Hæfniskröfur: umsækjendur þurfa að hafa náð 18 ára aldri. Umsækjendur þurfa að hafa hreint sakavottorð. Launakjör samkvæmt gildandi samningum Sambands íslenskra sveitarfélaga við Kjöl eða viðkomandi stéttarfélag. Umsækjandi þarf að geta hafið störf mánudaginn 22.ágúst 2022. Umsóknarfrestur er til og með 16.maí. Umsóknum skal skilað hér Frekari upplýsingar veita Sara Diljá, skólastjóri og Guðrún Elsa, aðstoðarskólastjóri, í síma 4522800 eða á netfanginu hofdaskoli@hofdaskoli.is