Í dag er 112 dagurinn en hann er haldinn árlega 11. febrúar (11.2). Markmið dagsins er að kynna neyðarnúmerið 112 og starfsemi aðilanna sem tengjast því, efla vitund fólks um mikilvægi þessarar starfsemi og hvernig hún nýtist almenningi. 112 er samræmt neyðarnúmer Evrópu og er dagurinn haldinn víða um álfuna til að minna á að aðeins þarf að kunna þetta einfalda númer til þess að fá aðstoð í neyð. Höfðaskóli fékk að þessu tilefni heimsókn í morgun frá Rauða krossinum, Björgunarsveitinni Strönd, slökkviliði Skagastrandar og Lögreglu umdæmisins. Ökutæki viðbragðsaðila vöktu mikla lukku og fengu nemendur að skoða tækin bæði að innan sem utan.
Höfðaskóli |
Íþróttahús |
Tónlistarskóli
Ábendingar og fyrirspurnir |