Fréttir

  • Föstudagskveðja

    Föstudagskveðja

    05.12.2025
    Þá er fyrsta vika desember liðin og spennan fyrir jólunum eykst með hverjum deginum sem líður. Í vikunni var fullt um að vera og við erum dugleg að setja inn fréttir á heimasíðuna og hvetjum ykkur til að fylgjast með. Nemendur sungu og trölluðu í matsal skólans undir stjórn Hugrúnar sl. miðvikudag og voru það jólalög sem bárust um alla króka og kima skólans. Nemendur yngsta stigs fóru í heimsókn í Spákonuhof í vikunni og er það ávallt ævintýri, nánar hér. Mánudaginn 8. desember n.k. verða jólaljósin tendruð á jólatrénu á Hnappstaðatúni. Við höfum hægt og rólega verið að vinna í að endurgera jólamyndirnar sem voru í gluggum skólans hér á árum áður. Myndirnar fara upp í glugga á vesturhlið skólans í næstu viku og hvetjum við ykkur til að skoða þær. Jólatónleikar tónlistarskólans voru í gær og stóðu nemendur sig með stakri prýði. Það er alltaf hátíðlegt að mæta á jólatónleikana þeirra og sjá þau spila og syngja. Í næstu viku er jólapeysudagur á mánudag og hvetjum við öll til að mæta í jólapeysum eða jólasokkum. Næsta vika er síðasta heila skólavikan á þessu ári, litlu jólin okkar verða svo 18. desember en allar nánari upplýsingar um þau koma í næstu viku. Við vonum að þið njótið helgarinnar Með góðri kveðju Guðrún Elsa og Berglind Hlín
  • Heimsókn í Spákonuhof

    Heimsókn í Spákonuhof

    04.12.2025
    Yngsta stig skólans fór í ánægjulega heimsókn í Spákonuhof þar sem Dadda tók á móti krökkunum. Heimsóknin byrjaði með því að Dadda las fyrir börnunum bókina Horaða jólatréð, sem vakti mikla lukku hjá krökkunum. Með lifandi frásögn hélt hún athygli allra og börnin hlustuðu gaumgæfilega á söguna. Það er alltaf mikilvægt fyrir yngstu nemendurna að fá að upplifa bókmenntir á skemmtilegan og grípandi hátt, og tókst það vel. Að bóklestri loknum sagði Dadda börnunum einnig frá Þórdísi spákonu, sem var áhugavert og fræðandi fyrir nemendur. Þessi hluti heimsóknarinnar bætti við menningarlegu gildi upplifunarinnar og gaf krökkunum innsýn í áhugaverða sögu staðarins. Starfsfólk skólans var afar ánægt með heimsóknina og þakkar starfsfólki Spákonuhofs kærlega fyrir ánægjulega móttöku og góða stund. Það er alltaf notalegt að heimsækja Spákonuhofið þar sem andrúmsloftið er hlýlegt og gestrisni einstök. Slíkar heimsóknir eru mikilvægur hluti af námi barnanna og gefa þeim tækifæri til að læra utan kennslustofunnar. Yngsta stig hlakkar til að heimsækja Spákonuhofið aftur.
  • Föstudagskveðja

    Föstudagskveðja

    28.11.2025
    Sæl öll Líflega vika hér í skólanum að baki. Okkur langar að byrja á því að þakka kærlega fyrir komuna á stigsskemmtanirnar sem fóru fram í vikunni. Það krefst kjarks að stíga á svið og sýna listir sínar, við erum einstaklega stolt af öllum nemendum skólans fyrir frammistöðuna. Myndir hér Nú þegar nóvember er senn á enda, fer ekki framhjá neinum að jólin nálgast óðfluga. Nemendur eru orðnir spenntir fyrir komandi mánuði og öllum þeim ljósum og gleði sem fylgja. Í næstu viku verður boðið verður upp á foreldraviðtöl, þau eru valfrjáls. Þetta er kjörið tækifæri fyrir þá sem vilja ræða nánar um námslega eða félagslega stöðu nemenda. Skráning í viðtölin fer fram í gegnum Námfús og hvetjum við ykkur til að ganga frá skráningu sem fyrst. Dagskrá desembermánaðar er á heimasíðu skólans. Einnig viljum við minna á dagatal foreldrafélagsins. Frétt hér Við þökkum fyrir ánægjulega viku og hlökkum til þeirrar næstu. Með bestu kveðju og ósk um góða helgi, Guðrún Elsa og Berglind Hlín
  • Lestur lykillinn að ævintýrum og þekkingu

    Lestur lykillinn að ævintýrum og þekkingu

    27.11.2025
    Sandra okkar besti bókavörður stóð fyrir bókakynningu í morgun þar sem allir nemendur skólans söfnuðust saman. Kynntar voru spennandi jólabækurnar og nemendurnir hvattir til dáða við lesturinn. Við minnum á að lestur göfgar manninn og opnar heiminn upp á gátt. Lestur lykillinn að ævintýrum og þekkingu.
  • Jólabakstur

    Jólabakstur

    27.11.2025
    Nemendur á miðstigi eru að læra um hinar ýmsu vetrarhefðir þessa lotuna og ætla alla mánudaga fram að jólum að prófa rétti sem tengjast jólahefðum í Kína, Indlandi, Svíþjóð og á Íslandi. Í þessari viku voru bakaðar Lúsíubollur, eða Lussekatter, sem eru hefðbundnar sænskar jólabollur tengdar Lúsíumessu sem er 13. desember. Krakkarnir vönduðu sig mikið og fengu að smakka afraksturinn, sem vakti mikla lukku. Næstu mánudaga fram að jólafríi höldum við síðan áfram að prófa okkur áfram með rétti úr mismunandi löndum og smakka það sem tilheyrir þeirra jólahefðum. Þetta er tilvalið tækifæri fyrir þau að spreyta sig í eldhúsinu, efla matarmenningu sína og læra að meta fjölbreytileika í siðum og venjum víðs vegar um heiminn. Á sama tíma styrkja þau samvinnu, vinnubrögð og skapandi hugsun. Við hlökkum mikið til framhaldsins og eigum eftir að kynnast mörgum spennandi réttum áður en jólafríið skellur á.
  • Fjáröflun foreldrafélags Höfðaskóla

    Fjáröflun foreldrafélags Höfðaskóla

    27.11.2025
    Eins og var kynnt á stigskemmtunum í vikunni ætlar foreldrafélag Höfðaskóla að vera með fjáröflun eins og síðustu ár. Til sölu verður dagatal sem inniheldur leiðbeiningar fyrir gönguferðir/hugmyndir af fjölskyldusamveru fyrir hvern mánuð í nágrenni Skagastrandar ásamt korti yfir svæðinu sem um ræðir og staðreyndum. Fallegt dagatal sem vert er að eiga! Dagatalið kostar 3500 í forsölu fram á föstudag. Eftir það 4000 kr. Til þess að panta eintak er hægt að hafa samband við Monika Tischleder gjaldkera eða millifæra inn á reikning Höfðaskóla kt 671088-8599 Reikningsnúmer 0160-26-001865. Dagatölin verða afhent í desember
Yfirlit frétta