Höfðaskóli

Kæru foreldrar/forráðamenn Opna húsið okkar miðvikudaginn 22.okt sl. gekk einstaklega vel og þökkum við öllum þeim sem sáu sér fært að koma og heimsækja okkur. Það var dásamlegt að sjá hversu margir komu og sýndu starfi nemenda skólans áhuga. Myndir hér Hápunktur vikunnar var án efa Jól í skókassa verkefnið, þar sem nemendur pökkuðu inn skókössum og settu í þá gjafir handa börnum í Úkraínu. Þurftu þau að setja sig í aðstæður annarra og vinna saman að því að gleðja börn sem þurfa á hjálp að halda. Nemendur 9. og 10.bekkjar stóður fyrir vöfflukaffi þar sem söfnuðust 73.500 krónur til styrktar þessu mikilvæga verkefni. Við þökkum kærlega öllum sem styrktu málstaðinn með frjálsum framlögum. Myndir hér Nemendur í 8.-10. bekk fengu einstakt tækifæri til að læra að búa til smørrebrød að dönsku sið. Þau sýndu matargerðinni mikinn áhuga, unnu sama og snæddu svo saman. Það er einstakt tækifæri að fá hingað í heimsókn danskan farkennara sem dvelur allan októbermánuð. Myndir hér Í næstu viku munu nemendur 1.-2.bekkjar halda áfram að vinna þemaverkefni um bílinn meðan nemendur 3.og 4. bekkjar vinna með bókina Ástarsaga úr fjöllunum eftir Guðrúnu Helgadóttur. Miðstigið heldur áfram að krúttast með ungana sína, sem eru óendanleg uppspretta gleði. Við þökkum fyrir ómetanlegan stuðning og hlökkum til að halda áfram að vinna með frábæru nemendunum okkar. Við óskum ykkur ánægjulegrar helgar Guðrún Elsa og Berglind Hlín

8.-9.-10. klasse har gæstelærer fra Danmark i oktober måned. I dag var eleverne i køkkenet for at lave et klassisk stykke dansk smørrebrød: En kartoffelmad. Opgaven er en del af danskundervisningen, hvor fokus er at anvende og tale dansk i en meningsfuld sammenhæng. Som optakt til arbejdet i køkkenet har eleverne lært lidt om dansk madkultur, og herefter har de lavet små plakater med nyttige sætninger - på dansk - til brug under arbejdet med at lave smørrebrød. Plakaterne var hængt op i køkkenet som sproglig støtte undervejs i arbejdet. Så snart eleverne var i køkkenet, forstod lærerne (næsten) ikke islandsk eller engelsk, så samtalerne måtte foregå på dansk. Alle klarede det rigtig flot. Som afslutning på dette forløb laver eleverne i næste uge et (imaginært) opslag på Instagram. De har derfor taget billeder undervejs i processen med smørrebrødet, og opslaget skal naturligvis være på dansk. Jenný og Grete

Á morgun er opið hús í skólanum frá kl. 16:00 til 18:00 og eru öll hjartanlega velkomin. Þetta er frábært tækifæri til að koma í heimsókn og kynnast starfi skólans betur. Góðgerðarvikan okkar er hafin og við erum þegar farin að setja í kassana sem eiga að fara til Úkraínu. Þetta er mikilvægt verkefni þar sem við leggjum okkar af mörkum til að hjálpa þeim sem þurfa á því að halda. Nemendur sýna mikinn áhuga á þessu góða málefni. Á opna húsinu er boðið upp á vöfflukaffi sem kostar ekkert, en við tökum við frjálsum framlögum og rennur allur ágóði til góðgerðarvikunnar. Þetta er leið til að styðja við gott málefni á sama tíma og við njótum þess að setjast niður og spjalla. Endilega kíkið við í heimsókn í Höfðaskóla.

Kæru foreldrar og forráðamenn, Enn ein vikan er liðin hjá okkur í skólanum og er komið að föstudagskveðju. Síðastliðin vika hófst á skipulagsdegi þar sem starfsfólk skólans kom saman til að undirbúa næstu vikur og skipuleggja námsefni og verkefni fyrir nemendur. Slíkir dagar eru mikilvægir. Ungarnir eru farnir að skríða út úr eggjunum sínum og vekur það ómælda gleði nemenda og starfsfólks. Nemendur á yngsta stig hafa verið í tónlistarsköpun í þessari viku. Nemendur hafa fengið að prófa sig áfram með mismunandi hljóðfæri, búa til eigin lög og læra um hrynjanda og takt. Námsmat úr fyrstu sex vikna námslotu vetrarins mun berast foreldrum og forráðamönnum þriðjudaginn 21. október. Við hvetjum ykkur til að lesa matið yfir með börnunum ykkar og ræða málin við þau. Í næstu viku er þemavika sem heitir Góðgerðarvika. Miðvikudaginn 22. október er bleikur dagur og við hvetjum alla til að mæta í bleikum fatnaði til að sýna stuðning við mikilvægt málefni. Sama dag er einnig opið hús frá kl. 16:00- 18:00 þ.e. tvöfaldur dagur hjá starfsfólki og nemendum. Hlökkum til að sjá ykkur. Aðalfundur foreldrafélagsins verður haldinn fimmtudaginn 23. október kl. 19:00 og strax þar á eftir verður fyrirlestur frá lögreglunni sem heitir „Börn, unglingar og samfélagsmiðlar". Þetta er mikilvægt efni fyrir alla foreldra/forráðamenn og við hvetjum ykkur eindregið til að mæta. Með samvinnu sköpum við ánægjulegt námsumhverfi fyrir börnin okkar. Við óskum ykkur ánægjulegrar helgar Guðrún Elsa og Berglind Hlín