Fréttir
Sterkari út í lífið
25.03.2019
Markmið þessa verkefnis er að auka aðgengi foreldra að efni sem hægt er að nota heima við og styrkir sjálfsmynd. Þessu efni er ætlað að auðvelda samtöl um ýmislegt sem snertir styrkingu sjálfsmyndar barna og unglinga.
Lesa meira
Framsagnarkeppni Höfðaskóla
21.03.2019
Þriðjudaginn 12. mars s.l. var framsagnarkeppni Höfðaskóla haldin í Hólaneskirkju. Nemendur 5., 6. og 7. bekkjar tóku þátt og stóðu sig öll með prýði. Á myndinni má sjá þær Sóleyju Sif Jónsdóttur, Sólveigu Erlu Baldvinsdóttur og Ísabellu Líf Tryggvadóttur sem hrepptu þrjú efstu sætin í 7. bekk og fara því áfram í stóru framsagnarkeppnina sem haldin verður á Blönduósi.
Lesa meira
Árshátíð Höfðaskóla
05.11.2018
Föstudagskvöldið 16.nóvember 2018, verður árshátíð skólans. Daginn ber upp á Dag íslenskrar tungu en þá hefur verið venjan að halda Elínborgardag. Í tilefni af fullveldisafmæli Íslands þá verður þema árshátíðaratriða árin 1918-2018.
Skólafélagið Rán verður með kaffisölu eins og venjan er á Elínborgardegi. Okkur langar því að biðja hvert heimili sem á nemendur í skólanum að leggja til eitthvert góðgæti á kaffiborðið. Allur ágóði af sölunni rennur í ferðasjóð nemenda. Vinsamlegast athugið að það má alls ekki koma með rétt sem inniheldur hnetur, þ.m.t. Snickers.
Vinsamlegast komið með ykkar rétt í Fellsborg milli kl. 17:00 og 18:00 á árshátíðardegi.
Stjórn skólafélagsins Ránar
Lesa meira
Barnakór Skagastrandar
01.10.2018
Ágætu foreldrar barna í 1.-7.bekk.
Stofnaður hefur verið Barnakór Skagastrandar og eru öll börn á þessum aldri á svæðinu velkomin að skrá sig. Kóræfingar verða alla fimmtudaga kl. 16:00 til 17:30 í Hólaneskirkju.
Að kórnum standa Höfðaskóli, Tónlistarskóli A-Hún og Hólaneskirkja.
Ég hlakka til að hitta söngelsku börnin ykkar á fystu kóræfingunni, fimmtudaginn 4. október kl. 16:00
Bestu kveðjur,
Ástrós Elísdóttir kórstjóri
Lesa meira
Hljóðbókasafnið, nýtt app
20.09.2018
Frá Hljóðbókasafninu
"Kæru lánþegar HBS, margir hafa beðið þess með óþreyju að nýja appið færi í loftið, og nú er komið að því. Nýja HBS appið er hvort tveggja fyrir Android og iOS. Appið finnur þú á Play Store fyrir Android og App Store fyrir iOS. Helstu nýjungar í appinu eru þær að nú er hægt að hala niður bókum í appið, hægt er að leita í og velja sér bókaflokka til að fylgjast sérstaklega með, leitin er fullkomnari og hægt er að breyta útliti á appinu, t.d. litum í bakgrunni svo eitthvað sé nefnt. Vinsamlegast sýnið þolinmæði þótt appið sé 1-2 sekúndum lengur í gang en þið eigið að venjast.Við vinnum í því. Þegar það er komið upp hefur það reynst mjög stöðugt. Tákn appsins er nú blátt."
Lesa meira
Göngum í skólann
18.09.2018
Kæru foreldrar/forráðamenn
Nú er verkefnið Göngum í skólann hafið í tólfta sinn hér á landi. Verkefnið var sett 5.september og lýkur formlega með alþjóðlega Göngum í skólann deginum miðvikudaginn 10.október. Markmið verkefnisins er að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni.
Lesa meira