Fréttir

Nemendur á yngsta stigi fóru í fjöruferð í gær. Mjög skemmtileg tilbreyting. Myndir hér.

Nemendur á yngsta stigi fóru í skemmtilega heimsókn á Sæborg núna í morgun. Þau sungu jólalög, fengu heitt kakó og smákökur, myndir til að lita og allir fengu eina rallyferð í með göngugrindinni. Mjög skemmtilegt. Myndir hér.

Það hefur svo sannarlega verið jólalegt hjá okkur í Höfðaskóla í morgunsárið. Fyrst las Sandra bókavörður jólasögu fyrir nemendur og að því loknu komu Hugrún Sif og Elvar Logi og leiddu jólasöng.

Mörgæsir á hálum ís - verkefni hjá yngsta stigi í myndmennt :) Myndir hér.

Nú er undirbúningur fyrir litlu jólin okkar í fullum gangi, þau verða með breyttu sniði í ár þar sem við ætlum að hittast seinnipart dags, borða saman hátíðarkvöldverð og vera svo með smá jólaball. Skólastjóri fékk í dag frábæra aðstoð frá fjórum nemendum unglingastigs við að útbúa ís sem verður í eftirrétt. Nemendur stóðu sig frábærlega í ísgerðinni :)

Þá er desember genginn í garð og spennan fyrir jólunum eykst með hverjum deginum sem líður. Í dag kom skólablaðið Höfðafréttir út, en það má sjá hér. Í vikunni var fullt um að vera og við erum dugleg að setja inn fréttir á heimasíðuna og hvetjum ykkur til að fylgjast með. Hafdís lestraramma kom í heimsókn í vikunni, það er alltaf gaman þegar hún kemur í heimsókn og hittir nemendur. Mánudaginn 9. desember n.k. verða jólaljósin tendruð á jólatrénu á Hnappstaðatúni. 1. bekkur sér um að aðstoða Alexöndru sveitarstjóra við að tendra ljósin og eiga þau að mæta rétt fyrir kl. 17:00. Við höfum hægt og rólega verið að vinna í að endurgera jólamyndirnar sem voru í gluggum skólans hér á árum áður. Nokkrar myndir eru komnar upp á vesturhlið skólans og hvetjum við ykkur til að skoða þær :) Breytingin á nestismálum hefur farið vel af stað og erum við að finna okkar takt í þessu öllu saman. Jólatónleikar tónlistarskólans voru í gær og stóðu nemendur sig með stakri prýði. Það er alltaf hátíðlegt að mæta á jólatónleikana þeirra og sjá þau spila og syngja. Í næstu viku er jólapeysudagur á mánudag og hvetjum við öll til að mæta í jólapeysum. Á miðvikudag ætlum við að hlusta á jólasögu hjá Söndru og syngja með Hugrúnu og Elvari, á fimmtudag ætlum við að vera með smá jólaföndur og á föstudag ætlum við að fá okkur heitt kakó og piparkökur - semsagt, alltaf nóg um að vera. Næsta vika er síðasta heila skólavikan á þessu ári, litlu jólin okkar verða svo 18. desember en allar nánari upplýsingar um þau koma í næstu viku. Við vonum að þið njótið helgarinnar Gleðilegan annan sunnudag í aðventu Með góðri kveðju Sara Diljá, Guðrún Elsa og Berglind Hlín

Þá er komið að því að þriðja skólablað Höfðafrétta er nú komið út og er aðgengilegt hér.

Í dag sagði Sandra bókavörður nemendum frá þeim bókum sem hafa verið keyptar á safnið okkar. Það er mjög gagnlegt fyrir krakkana að fá svona flotta kynningu og það getur auðveldað valið á næstu bók sem á að lesa. Myndir hér.

Við vorum aldeilis heppin í morgunsárið þegar Hugrún Sif og Elvar Logi komu í heimsókn og leiddu jólasöngstund. Við ætlum að endurtaka leikinn eftir viku, skemmtileg stund og við erum þakklát fyrir gott samstarf við tónlistarskólann.

Skemmtilegir dagur hjá sviðslistahópnum þar sem þau breyttust í trúða og æfðu sig í trúðaæfingum, jöggluðu sokkaboltum, æfðu sig í alls kyns svipbrigðum og skemmtu sér konunglega. Myndir hér.