Fréttir

Öskudagsskemmtun verður haldn í íþróttahúsi Skagastrandar miðvikudaginn 26. febrúar kl 17.00 – 18.00 Gengið inn niðri að vestanverðu. Ekki er leyfilegt að vera á skóm inni í sal. Hvetjum alla til að mæta í búning. Bestu kveðjur Foreldrafélag Höfðaskóla

Heil og sæl Ótrúlegt en satt þá er einungis ein vika eftir af febrúar sem líkt og janúar hefur hrekkt okkur með vondum veðrum og kvefi. Umhverfisnefnd fundaði í vikunni og hægt er að nálgast fundargerð á heimasíðu skólans. Næsta vika verður viðburðarík mánudaginn er bolludagur og mega nemendur koma með bollur með sér í nestið. þriðjudaginn er sprengidagur og boðið uppá saltkjöt og baunir í Fellsborg. miðvikudaginn er öskudagur, nemendur mega mæta í furðufötum/búningum í skólann og svo er frí eftir hádegið svo hægt sér að fara á fyrirtækjaflakk og syngja. nemendum 1.-4.bekkjar stendur til boða, eins og önnur ár, að fara með frístund og syngja. Vetrarfrí verður föstudaginn 28.febrúar og mánudaginn 2.mars og vonum við að veðurguðirnir verði okkur hliðhollir þessa daga. Við vonum að þið njótið helgarinnar Með góðum kveðjum Guðrún Elsa og Sara Diljá

Heil og sæl Vikurnar halda áfram að þjóta hjá og langþráður febrúar mánuður loksins farinn af stað. Janúar var frekar langur og flestir hér sammála um að hann hafi sennilega liðið helmingi hægar en allir aðrir mánuðir :) Veikindi hafa verið að herja á nemendur og við vonum að allir fari nú að hressast. Í gær var gangafundur með nemendum þar sem við kynntum fyrir þeim nýtt fyrirkomulag með handþurrkur á salernum. Í tengslum við grænfána verkefnið erum við að skipta út pappírs handþurrkum fyrir fjölnota þvottastykki. Annars er lítið að frétta úr skólastarfinu um þessar mundir. Við vonum að þið njótið helgarinnar Með góðum kveðjum Sara Diljá og Guðrún Elsa

Læsisstefna leik- og grunnskóla í Austur Húnavatnssýslu, Húnaþingi vestra og leikskóla Strandabyggðar Leik- og grunnskólar í Austur Húnavatnssýslu, Húnaþingi vestra og leikskóli Strandabyggðar hafa um nokkurt skeið unnið að læsisstefnu skólanna. Markmiðið með sameiginlegri læsisstefnu var að samræma kennsluhætti og námsmat og efla læsi. Unnin var heildstæð stefna af fulltrúum allra leik- og grunnskóla á svæðinu ásamt fræðslustjóra Austur Húnavatnssýslu. Áhersla var lögð á að allir fengju að hafa áhrif á mótun stefnunnar og hún unnin þvert á skólastig. Út frá þeirri vinnu var gerður bæklingur með helstu áherslum úr stefnunni. Bæklinginn má nú finna á heimasíðum skólanna og sveitarfélaganna.

Sæl og blessuð Vikan leið hratt í Höfðaskóla og það var ýmislegt um að vera. Yngsta stig hélt þorrablót og smakkaði ýmislegt góðgæti, myndir eru aðgengilegar hér á heimasíðunni. Kennarar eru í óða önn að ljúka við að færa inn niðurstöður úr Lesfimi og verða þær sendar heim með nemendum öðru hvoru megin við helgina. Niðurstöður verða einnig aðgengilegar á Mentor. Annars er lítið að frétta úr skólastarfinu um þessar mundir, lífið gengur sinn vanagang og allir hressir og kátir. Við vonum að þið njótið helgarinnar Með góðum kveðjum Sara Diljá og Guðrún Elsa