Höfðaskóli

Skráning í mötuneyti Höfðaskóla fer fram með rafrænum hætti, opna þarf fréttina til að byrja skráningarferlið. Úrsögn úr mötuneyti skal berast Jóhönnu Sigurjónsdóttur í netfangið skagastrond@skagastrond.is fyrir 25. hvers mánaðar Greiðslur fyrir máltíðir nemenda falla ekki niður fyrstu fimm virka daga veikinda eða annarra fjarvista. Eftir það falla greiðslur niður þar til nemandi mætir aftur í skóla. Máltíðin kostar 377 krónur fyrir nemendur Höfðaskóla.

Megintilgangur með sjálfsmati er að kanna hvort tekist hafi að ná markmiðum skólans, að greina veika og sterka þætti skólastarfsins og bæta það sem bæta þarf en um leið styrkja jákvæða þætti. Skólanum ber að koma til móts við þá sem standa að skólasamfélaginu og þannig móta í sameiningu gott skólastarf. Sjálfsmat á stöðugt að vera í gangi og er langtímamiðað og er það lykillinn að því að gera góðan skóla betri.

Menntavísindasvið Háskóla Íslands veitti fimm kennurum viðurkenningar fyrir framúrskarandi störf við hátíðlega athöfn í Háskóla Íslands miðvikudaginn 7. júní s.l. Sara Diljá Hjálmarsdóttir kennari við Höfðaskóla hlaut viðurkenningu fyrir framlag sitt til kennslu. Ingvi Hrannar Ómarsson kennsluráðgjafi í Skagafirði hlaut sérstök hvatningarverðlaun átaksins. Hann hefur verið okkar stoð og stytta í innleiðingu iPadnotkunar í Höfðaskóla. Innilegar hamingjuóskir til verðlaunahafa.

Við Höfðaskóla er laus staða stuðningsfulltrúa á elsta stigi. Umsækjandi þarf að geta sýnt sjálfstæð vinnubrögð, vera úrræðagóður, þolinmóður og hugmyndaríkur. Nánari upplýsingar veitir Vera Ósk Valgarðsdóttir í síma 8624950. Skólastjóri