Fréttir

Heil og sæl Stutt vika að líða en uppstigningardagur var í gær, fimmtudaginn 14. maí. Nemendur á miðstigi fóru í morgunsárið á Kjalarland og nemendur á yngsta stigi, myndir hér, fór í fjárhúsin til Jóns Heiðars og Kristínar Birnu. Hóparnir fengu að gumsast aðeins í sveitinni. Hittu þar lömb og ýmiskonar ungviði. Við þökkum kærlega fyrir okkur. Nemendur Höfðaskóla eru farin að telja niður í sumarfrí en skólaslit eru 9. júní. Nemendur 9. og 10. bekkjar eru hinsvegar farin að telja niður í nemendaferðina sína. Ferðinni er heitið til Ítalíu, nánar tiltekið til Marina di Massa og fljúga þau á vit ævintýra 30.maí næstkomandi. Veðrið hefur leikið við okkur, nemendur orðin útitekin og hjólin orðinn fararskjóti, af því tilefni minnum við á hjálma. Með von um góða helgi Guðrún Elsa og Berglind Hlín

Stutt vika að klárast og stutt vika framundan. Frí á morgun 1. maí og starfsdagur mánudaginn 4.maí, nemendur skólans eru í fríi báða dagana. Nemendur hafa verið að leggja lokahönd á verkefni 5. lotu og 6. lota er að hefjast. Frétt í Feyki um vísindadag nemenda 10. bekkjar, sjá hér. Frábær dagur þar sem nemendur 10. bekkjar fengu framúrskarandi náttúrufræðikennslu og þjálfun í rökhugsun. Við þökkum kærlega fyrir okkur. Nemendur á miðstigi hafa verið að lesa bækurnar "Litla fólkið og stóru draumarnir" og unnið verkefni uppúr þeim, sjá hér. Nemendur í 3.-4. bekk hafa verið að læra um himingeiminn og hvernig hægt er að komast þangað, sjá hér. Skólaráð hefur samþykkt skóladagatal næsta skólaárs, sjá hér. Þriðjudaginn 5.maí verður íþróttadagur nemenda á unglingastig í Höfðaskóla, Húnaskóla og Grunnskóla Húnaþings vestra haldinn hér á Skagaströnd. Nemendur skólanna hittast og taka þátt í fjölbreyttum íþróttatengdum stöðvum. Samverunni lýkur á kvöldmat í Fellsborg. Fimmtudaginn 7.maí verður íþróttadagur nemenda á miðstigi í Höfðaskóla, Húnaskóla og Grunnskóla Húnaþings vestra haldinn á Hvammstanga. Dagskrá er ekki komin í hús en verður send heim til nemenda og foreldra um leið og liggur fyrir. Njótið helgarinnar Guðrún Elsa og Berglind Hlín

Skóladagatal Höfðaskóla skólaárið 2026-2027 Skóladagatal er samþykkt af skólaráði og fræðslunefnd. Tvöfaldir dagar eru - Litlu jólin - Árshátíð - Íþróttadagur á yngsta, mið-og unglingastigi - Skólaslit - Vorferðalag

Nemendur í 3. og 4. bekk hafa í vikunni verið að fræðast um tvo merka geimfara, Neil Armstrong og Mae Jemison. Í dag fengu nemendur tækifæri til að setja sig í spor vísindamanna og hönnuða þegar þeir bjuggu til eigin geimskip. Þeir klipptu út mismunandi eldflaugar úr pappír, skreyttu þær, gáfu þeim nöfn, teiknuðu geimfara og skrifuðu skilaboð inn í eldflaugarnar. Að lokum fóru nemendur út með kennara þar sem gerð var skemmtileg tilraun með því að blanda saman ediki og matarsóda tókst þeim að láta „geimskipin“ taka á loft. Myndir hér

Sæl öll Föstudagskveðja á miðvikudegi. Stutt vika þar sem sumardagurinn fyrsti er á morgun, fimmtudaginn 23.apríl, og skipulagsdagur föstudaginn 24.apríl. Nemendur mæta aftur í skólann 27.apríl. Veðrið hefur verið einstaklega gott þessa þrjá skóladaga og nemendur notið þess að vera utandyra. Ólátabelgurinn var vakinn í vikunni og það vakti heldur betur mikla lukku. Ný lota hefst í næstu viku og fer að detta inn námsmat úr síðustu lotu til nemenda sem og kennsluáætlanir í námsvísi skólans. Næsta vika er einnig en frí er föstudaginn 1.maí. Gleðilegt sumar og njótið helgarinnar Guðrún Elsa og Berglind Hlín

Nemendur 3. og 4.bekkjar fóru í rannsóknarferð í blíðunni í dag. Á myndunum er vel hægt að sjá hversu vel nemendurnir skemmtu sér.

Nemendur glöddust mikið í morgun þegar fréttir bárust af því að búið væri að vekja ærslabelginn. Eins og sjá má á myndunum þá nýttu nemendur 1.-2.bekkjar tækifærið í góða veðrinu að hoppa og skoppa.

Sæl öll Mánudagurinn hófst á innanhúsmóti í skák en þar kepptu nemendur 1.-4.bekkjar, 5.-7.bekkjar og 8.-10.bekkjar (myndir hér) um sæti til að komast áfram á Meistaramót Norðurlands vestra í skólaskák sem haldið var í Húnaskóla miðvikudaginn sl. Fjórir nemendur, Katrín Sara, fóru frá Höfðaskóla og komst Elís Valtýsson á pall en hann var í 2.-4. sæti meðal nemenda í 1.-4. bekk. (myndir hér) Nemendum skólans fannst þetta skemmtilegt og sjáum við fram á að gera þetta að árlegum viðburði og flétta skák meira í nám nemenda okkar. Nemendur miðstigs voru með kynningu fyrir forráðafólk á þemaverkefni sem ber heitið "Ferðalag". Var þar hægt að koma og sjá verkefnin þeirra, skipulag utanlandsferða og nákvæma kostnaðaráætlun. (myndir hér) Nemendur 10. bekkjar fengu frábæra kennslu hjá Herdísi Steinsdóttur og Grigory Solomatov á vísindadegi í Biopol í gær. Nemendurnir unnu í tölvuleikjakóðun og örverufræði. Frábært samstarf og þökkum við kærlega fyrir. Vonandi verða verkefni sem þessi áregur viðburður. Það var vor í lofti þessa vikuna og voru nemendur skólans dugleg að vera utandyra eins og sjá má á myndunum sem teknar voru að nemendum yngsta stigs þegar þau fóru í göngutúr inn að á. (myndir hér) Næsta vika verður stutt og laggóð, sumardagurinn fyrsti er fimmtudaginn 23.apríl og starfsdagur föstudaginn 24.apríl. Með óskum um góða helgi Guðrún Elsa og Berglind Hlín

Kæru foreldrar og forráðamenn, Að baki er óvenju stutt vika í skólastarfinu okkar. Þriðjudaginn sl. snéru nemendur og starfsfólk úr páskafríi. Það fór ekki á milli mála að nemendur höfðu notið hvíldarinnar og sum enn hálf súkkulaðihúðuð. Aðeins rofaði til milli gulra veðurviðvarana og nýttum við dagana til að vera mikið úti. Fram undan er spennandi vika þar sem mánudaginn 13. apríl munum við halda skólaskákmót hér í Höfðaskóla fyrir alla þá nemendur sem hafa áhuga á að spreyta sig við taflborðið. Teflt verður í þremur einstaklingsflokkum og er dagskráin eftirfarandi: 5.–7. bekkur: kl. 08:20 1.–4. bekkur: kl. 10:40 8.–10. bekkur: kl. 11:20 Umhugsunartími á hverja skák verður 5 mínútur að viðbættum 2 sekúndum á hvern leik. Tveimur efstu keppendum úr hverjum flokki stendur til boða að fara áfram og keppa fyrir hönd skólans á Meistaramóti Norðurlands vestra í skólaskák. Það mót fer fram miðvikudaginn 15. apríl í Húnaskóla á Blönduósi. Nemendur eru farnir að mæta á reiðhjólum í skólann og minnum við á að ávallt eiga reiðhjólahjálmar að vera með í för. Með óskir um góða helgi Guðrún Elsa og Berglind Hlín

Síðasta vikan fyrir páskafrí var lífleg og skemmtileg hjá okkur. Nemendur unnu ýmis verkefni myndir hér og föndruðu páskaskraut. Myndir hér. Við skunduðum af stað í Tindastól sl. mánudag og renndum okkur þar á hverskyns skíðabúnaði. Nemendur skemmtu sér mjög vel og stefna mörg að því að skella sér aftur á skíði um páskana. Við þökkum Fram kærlega fyrir og þökkum foreldrunum sem gátu gefið sér tíma og farið með einnig kærlega fyrir. Myndir hér Í dag var páskabingó fyrir alla nemendur skólans og voru vinningarnir páskaegg sem Samkaup úrval á Skagaströnd og Skagfirðingabúð á Sauðárkróki sem gáfu vinninga. Myndir hér Við höldum svo í páskafrí eftir daginn í dag og mætum aftur í skólann þriðjudaginn 7. apríl. Við vonum að þið eigið góða páska og hlökkum til að hitta nemendur endurnærð eftir gott frí Með páskakveðju Guðrún Elsa og Berglind Hlín